ПАДАРОЖЖА  З ВОСЕНЬСКІМІ ЛІСТОЧКАМІ

Інтэграваны занятак па   адукацыйных галінах

“Дзіця і прырода” і “Выяўленчае мастацтва” (лепка)

для дзяцей рознаўзроставай групы.

Праграмныя задачы:

    фарміраваць уяўленні пра адметныя прыкметы аб’ектаў і з’яў нежывой прыроды, выдзяляць адмоўныя і дадатныя якасці; развіваць уменні называць характэрныя праяўленні нежывой прыроды восенню; характарызаваць сезонныя змяненні: лісце расфарбоўваецца і ападае, вяне трава, спее ўраджай;  развіваць уменні выконваць правілы выкарыстання матэрыялаў і абсталявання для лепкі эксперыментаваць з пластычнымі матэрыяламі, нетрадыцыйнай тэхнікай пластылінаграфія (мазаічная) (5-<st1:metricconverter productid=»6 г» w:st=»on»>6 г</st1:metricconverter>) ;

   фарміраваць уяўленні пра прыкметы аб’ектаў і з’яў нежывой прыроды; фарміраваць уменні ўстанаўліваць узаемасувязь паміж зменамі ў нежывой прыродзе восенню; развіваць уменні параўноўваць характэрныя  праявынежывой прыроды увосень – пахаладанне, пахмурна, часта ідуць дажджы, дзмуць вятры; развіваць уяўленні пра нетрадыцыйныя тэхнікі лепкі – пластылінаграфію, яе віды ( мазаічная), уменні іх прымяняць (4- <st1:metricconverter productid=»5 г» w:st=»on»>5 г</st1:metricconverter>) ;

   фарміраваць уяўленні пра сувязі паміж з’явамі прыроды: дзьме вецер – халадней, на вуліцы вецер – калышуцца галінкі дрэў, ідзе дождж – з’яўляюцца лужыны; дзьме вецер – плывуць аблокі; развіваць уменні адрозніваць поры года(восень) на аснове яркіх праяўленняў нежывой прыроды(паветра становіцца халаднейшым, часта ідуць дажды, сонца свеціць і грэе мала; развіваць цікавасць да выяўленчай і творчай дзейнасці, мастацкага эксперыментавання; развіваць уяўленні пра спосабы дэкарыравання малюнка;  уменні выкарыстоўваць прыем лепкі (прымазванне) восеньскіх лісточкаў, аналізаваць сродкі выразнасці( колер, кампазіцыя, форма) (3-<st1:metricconverter productid=»4 г» w:st=»on»>4 г</st1:metricconverter>) ;

         Выхоўваць павагу і беражлівыя адносіны да прыроды, жаданне пазнаваць яе; жаданне выкарыстоўваць даступныя выразныя сродкі для адлюстравання свайго стаўлення да створаных у лепцы выяў, эстэтычныя пачуцці;

Матэрыялы і абсталяванне: дыдактычныя гульні: “Падбяры лісцік да дрэва”,“Знайдзі цень”, “ З якога дрэва дзеткі”, “ Складзі малюнак дрэва”; 4 лісцікі клёна з кардону з заданнем, кубікі ЛЕГО “Складзі малюнак”, цырата, пластылін, стэкі, нарыхтокі фонаў з галінкамі дрэў, прэзентацыя аўдыёзапісі з гукамі ветру, шапаценнем лісцікаў, макеты сонейка і хмаркі, церамок, какошнікі птушачкі, ветру, дажду,сонейка, пажаўцелай траўкі і інш.

Папярэдняя работа: назіранні за прыкметамі восенні, збор і засушванне лісточкаў розных дрэў, падрыхтоўка эскізаў з галінкамі дрэў, падрыхтоўка нагляднага і  дыдактычнага матэрыялу.

Выхавальнік дашкольнай адукацыі прапануе дзецям прывітацца пальчыкамі.

        Добрай раніцы, сонца, залатое!

        Добрай раніцы, вольны вецярок!

        Добрай раніцы, маленькі дубок!

        Мы жывём у родным краі!

        Усіх я вас вітаю!

Выхавальнік (В.). Дзеці звярніце ўвагу, што у нас новага, цікавага з’явілася у группе? (Лісточкі). Як вы лічыце, хто раскідаў нам гэтыя лісточкі? (Прапановы дзяцей). Дзеці, а для таго каб нам даведацца  я зачытаю радкі з верша

        Прыгажуня залатая букет прынесла нам.

        Многа лісця жоўтага, многа і чырвонага,

        Толькі не знайшла яна лісціка зялёнага. (восень)

В. Правільна – гэта восень. А зараз паглядзіце, колькі лісточкаў заляцела да нас у групу. Давайце іх збяром. А вось гэты лісток незвычайны на ім нешта напісана: “Каралева Восень запрашае вас у падарожжа. Вашымі спадарожнікамі будуць восеньскія лісточкі”.

На гэтым лісточку напісана – першае заданне. Лісток запрашае пагуляць у гульню “Церамок” Я буду восень. Да мяне у церамок прыйдзе той, хто назаве прыкметы або з’явы  восені.

Я, сонца якое свеціць , але не грэе.

Я, хмарка якая плыве па небе.

Я, птушка я адлятаю у цёплыя краі.

Я, жоўты лісток падаю з дрэва.

Я, вецер моцна дую.

Я, дождык, часта іду.

Я, пажаўцелая трава і г.д.

В. Вось колькі жыхароў засялілася ў церамок. Дзякуй вам.

А зараз паслухайце, як шуміць моцны вецер, давайце ўявім, што мы з вамі лісточкі нас вецер закружыў (кружацца). Вось мы апынуліся каля другога незвычайнага лісточка.  Каралева Восень падарыла нам сонейка і хмарку. Бяжыце хуценька да мяне,  лісточак запрашае пагуляць у гульню “ Добра – дрэнна” дзецям старэйшай падгрупы, а дзецям малодшай падгрупы сласці з кубікаў ЛЕГА  выявы прадметаў (малодшыя садзяцца выконваюць заданне).

Калі  называем,  наступіла восень – гэта добра, становімся пад сонейка, а калі наступіла восень – гэта дрэнна, становімся пад хмарку і выдзяляем адмоўныя і дадатныя якасці.

Добра – восень вельмі прыгожая пара года;

Дрэнна – часта ідзе дождж;

Добра – восень багата ураджаем;

Дрэнна – на вуліцы холадна;

Добра – можна назбіраць прыгожы букет з лістоў;

Дрэнна —   шмат лужаў і гразі;

Добра – можна назбіраць у лесе грыбоў;

Дрэнна – мала свеціць сонца;

 Пасля гульні малодшая падгрупа  адпачывае (разглядаюць кнігу ”Поры года”).

       Фізкультхвілінка.

Хмарка  ў небе праплывае

Самалёт над ёй гудзе

Дожджык поле палівае

Залацісты дождж ідзе (2 разы)

 В. А зараз лісток запрашае нас  працаваць па падгрупам.   Дзеці садзяцца за сталы. Выконваюць практычныя заданні:

• “Падбяры лісцік да дрэва”
• “Знайдзі цень”
• “ З якога дрэва дзеткі”
• “ Складзі малюнак дрэва”

В. ( правярае выкананае заданне)

В. А зараз мы паклічам нашых маленькіх сяброў. Паглядзіце якое заданне нам падрыхтавала Каралева Восень.  Паглядзіце,  вось сюды, што гэта? (Дрэвы) Як вы думаеце, які у іх настрой? (сумны, турботны, занепакоены,клапатлівы…).

В. Чаму, як вы лічыце? (у іх няма лісточкаў, яны стаяць голыя, таму і сумуюць…)

В. Дзеці  давайце ўспомнім, у час прагулкі мы назіралі за лісточкамі , збіралі іх у букеты:

• нашы вочкі бачылі якія лісточкі? (жоўтыя, чырвоныя, зялёныя, рознай формы, велічыні…);
• нашы ручкі, калі бралі лісточкі ў рукі, што яны адчувалі – якія яны?

 ( мокрыя, халодныя, шарпатыя, гладкія…);

• наш носік, што адчуваў? (запах восені, грыбоў…)
• нашы вушкі, што чулі, калі збіралі лісточкі? (шумяць, шапацяць, шэпчуцца…)

Пальчыкавая гімнастыка

В. А зараз сядайце на месцы і нашым сумным дрэўцам падорым прыгожыя лісточкі. А якія лісточкі ў нас будуць атрымлівацца я вам растлумачу.

Дзеці старэйшай і сэрэдняй групы выконваюць лісты ў тэхніцы пластаграфія. Паказаць прыёмы лепкі

В. Спачатку трэба скатаць невялікі шарык, сплюшчыць яго ў ляпёшку, палажыць на фон і злёгку прыціснуць, пасля размазаць іх  па паверхні, а затым стэкай прадрапаць пражылкі.

Малодшым дзецям  паказ прыёмаў  лепкі. 

В. Восенню на дарожкі падаюць лісточкі.  Адшчыпваем  кусочак пластыліна, прыкладваем і прымазваем да картоннай асновы. Яшчэ адшчыпнём кусочак і зноў прымажам яго да асновы. Шмат лісточкаў нападала! Вось колькі!

В. Як мы будзем адшчыпваць кусочкі-лісточкі? Куды размесцім іх? Якога колеру будуць нашы лісточкі?

 У час працы выхавальнік аказвае  дапамагу дзецям.

У канцы занятку раскласці работы усіх дзяцей і палюбавацца атрыманай фарбовай восеньскай мазаікай.

В. Дзеці як вы лічыце ці змяніўся настрой у дрэўцаў? Чаму?

В. Ну вось наша падарожжа з восеньскімі лісточкамі  закончылася. Ці спадабалася вам сёння падарожнічаць? Што цікавага ты даведаўся у падарожжы?  Якое заданне табе было больш лёгкае? А якое табе было  больш складанае? Дзеці а як вы думаеце, што неабходна зрабіць, каб  зберагчы нам гэтыя лісточкі, што прынясла восень?      ( абрысаваць і размаляваць, засушыць у гербарый…).