Родная Беларусь
Гульня-квэст для бацькоў і дзяцей рознаўзроставай групы
Праграмныя задачы: фарміраваць уяўленні пра сваю малую радзіму аграгарадок Палужжа, Гродзенскую вобласць, краіну – Рэспубліку Беларусь, славутасці краіны і малой радзімы; развіваць цікавасць і павагу да дзяржаўных сімвалаў Рэспублікі Беларусь (герб, сцяг, гімн), увагу, маўленне; развіваць уменне творча пераносіць назапашаны рухальны вопыт у рухальную дзейнасць; выхоўваць фізічныя якасці (спрытнасць, хуткасць, вынослівасць) і рухальныя здольнасці пры выкананні гульнявых заданняў, пачуццё ўласнай адказнасці за вынік агульных спраў, любоў да роднага краю, гонар за поспехі і дасягненні беларусаў.
Матэрыял і абсталяванне:збаночак з пытаннямі ” Замарочкі са збаночка”, карта-пазл Рэспублікі Беларусь, сардэчка, фотаздымкі аграгарадка Палужжа (знакамітыя мясціны, знакамітыя месцы дзіцячага сада), сляды-лапці, дыдыктычная гульня «Складзі дзяржаўныя сімвалы Рэспублікі Беларусь», дыдыктычная гульня “Апрані ляльку ў беларускае адзенне”
Папярэдняя работа: гутаркі па тэмах “ Мая Радзіма”, “Сімвалы Рэспублікі Беларусь”, “ Славутасці нашай вёскі”, дыдактычныя гульні “Што лішняе”, “Складзі сцяг, герб, карту Беларусі”, “ Знайдзі сімвалы Беларусі”,
Месца правядзення: музычная зала.
Ход гульні-квэсту
Ціха гучыць песня” Жураўлі на Палессе ляцяць”.
Выхавацель(В.). Добры дзень паважаныя бацькі, хлопчыкі і дзяўчынкі!
Вядома ўсім, што вельмі шмат
Куткоў на свеце дзіўных.
але не менш, а болей, брат,
Іх на тваёй радзіме,
У нашым краі дарагім,
У Беларусі роднай,
Не памяняешся ні з кім
Яе красою годнай
І. Муравейка
Чуецца плач.
В. Ой , хто гэта плача? (уваходзіць засмучаны хлопчык Міхаська)
Міхаська. Добры дзень. Мяне завуць Міхаська.
В. Рады вітаць цябе, Міхаська! Што з табой здарылася? Чаму ты плачаш?
Міхаська. Я ехаў да сваіх бабулі з дзедам у аграгарадок Палужжа ды разгубіўся. Я не змог адказаць у якой вобласці і краіне аграгарадок знаходзіцца. Мне стала сорамна. Дапамажыце мне іх знайсці, калі ласка.
В. Я думаю, што даведацца аб гэтым нам дапаможа карта Рэспублікі Беларусь. Я прапаную усім адправіцца у падарожжа па нашай краіне і маленькай радзіме і дапамагчы Міхасіку. За кожнае выкананае заданне вы будзеце атрымліваць пазл. На прыканцы мы складзем карту і знойдзем на ёй вобласць дзе жывуць тваі бабуля і дзядуля. Дзеці, згодны дапамагчы Міхасіку? (згодны) Тады пачынаем.
В. Ці ведаеце вы, што такое маленькая радзіма?
Малая радзіма – гэта месца, дзе мы нарадзіліся і жывём.
Малая радзіма – гэта дзе жывуць жывуць блізкія і родныя нам людзі матуля, тата, бабуля і дзядуля, брацікі і сястрычкі.
Малая радзіма – гэта ваша хата
Малая радзіма – гэта наш дзіцячы сад
Малая радзіма – гэта наш аграгарадок і.г.д.
Заданне 1.” Замарочкі са збаночка”
- У якой краіне мы жывём? ( у Беларусі)
- Як называюцца людзі, якія нарадзіліся у Беларусі?(беларусы)
- Які горад з’яўляецца сталіцай Беларусі?(горад Мінск)
- Колькі абласцей у Беларусі?(шэсць абласцей)
- Як называецца вёска у якой ты жывеш? ( Палужжа)
- Якія ты ведаеш гарады Беларусі?
- Якія ты ведаеш дзяржаўныя сімвалы Беларусі?
- Успомні і раскажы словы першага куплета гімна нашай дзяржавы.
- Як завуць твайго тату і маму? (3-4г)
- Як завуць твайго выхавацеля?
- Як завуць тваю бабулю і дзядулю?
- Якія свойскія жывёлы ты ведаеш?
В. Вельмі цудоўна! І вы атрымліваеце першы пазл нашай карты. А зараз на дапамогу нам прыдуць вашы бацькі, якія таксама адкажуць на нашы пытанні са збаночка.І так.
Для бацькоў:
- За гераізм і мужнасць абаронцаў крэпасць атрымала ганаровае званне “ Крэпасць-герой” Пра якую славутасць нашай краіны ідзе размова? ( пра Брэсцкую крэпасць)
- У гэтым горадзе штогод праходзіць міжнародны фестываль мастацтва, які аб’ядноўвае ўдзельнікаў з розных краін. пра які горад я кажу? (пра горад Віцебск)
- Якія дзяржаўныя сімвалы Рэспублікі Беларусь вы ведаеце? (Дзяржаўны герб, сцяг, гімн)
- Якія замкі Беларусі вы ведаеце? (Мірскі замак, Нясвіжскі замак, Лідскі замак)
- Назавіце суседзяў нашай краіны? (Літва, Латвія, Польшча, Украіна, Расія)
- Назавіце самыя славутыя мясціны Беларусі (Нацыянальная бібліятэка Беларусі, Мірскі замак, Нацыянальны парк «Белавежская пушча», мемарыяльны комплекс»Брэсцкая крэпасць, Курган Славы і г.д)
- Назавіце беларускія нацыянальныя стравы(халаднік, дранікі, верашчака)
- Якая вобласць рэспублікі Беларусь мяжуе з усімі іншымі абласцямі нашай краіны? (Мінская вобласць)
В. Вы вялікія малайцы! Дзякуй вам за дапамогу. І мы атрымліваем яшчэ адзін пазл ад нашай карты.
В. Прадаўжаем наша падарожжа. У нашым аграгарадку ёсць шмат цікавых мясцін, якія вы павінны адгадаць.
Заданне 2. Гульня » Пазнай па малюнку»
(дзеці выцягваюць адну з фотаздымкаў нашай вёскі і называюць знакамітыя мясціны (4-5-6 гадоў а знакамітыя месцы дзіцячага сада называюць дзеці 3-4 гадоў) выканаўшы заданне выхаванцы атрымліваюць трэці пазл з карты.
А зараз я вам прапаную, трошкі адпачыць і пагуляць у гульню.
Гульня «Міхасік»
( дзеці ходзяць па кругу, выхавацель гаворыць такія словы; «Ты, Міхасік не зявай лапаточкі абувай». Дзіця застаўшыся без лапцей выбывае з гульні). Самы лоўкі выхаванец атрымлівае перамогу
Прадаўжаем наша падарожжа нашы маленькія выхаванцы будуць будаваць прыгожыя дамы для нашага аграгарадка , а мы прадаўжаем выковаць наступнае заданне
Заданне 3. Дыдыктычная гульня «Складзі дзяржаўныя сімвалы Рэспублікі Беларусь»
(дзеці выконваюць заданне, атрымліваюць пяты пазл)
Заданне 4. Гульня » Перадай сардэчка»
(дзеці перадаюць сардэчка і па чарзе называюць за што яны любяць свой аграгарадок, сваю краіну гульня праводзіцца разам з бацькамі)
— Я люблю свой аграгарадок, таму што ён самы родны.
— Я люблю свой аграгарадок, таму што тут жывуць маі тата і мама.
— Я люблю свой аграгарадок, таму што ен вельмі прыгожы
— Я люблю свой аграгарадок, таму што ганаруся ім.
— Я люблю свой аграгарадок, таму што тут жывуць маі сябры
— Я люблю свой аграгарадок, таму што люблю хадзіць у дзіцячы сад.
— Я люблю свой аграгарадок, таму што кожны день бачу усмешкі людзей
— Я люблю свой аграгарадок, таму што вырасту і буду тут працаваць.
Пасля гульні дзеці атрымліваюць пяты пазл карты,
В. Усім дзякуй вось мы і дайшлі да апошняга задання нашага падарожжа.
Заданне 5. » Апрані ляльку у беларускае адзенне» (заданне разам з бацькамі)
(усе дзеляцца на дзьве каманды, ім даецца сілуэт лялькі, які яны павінны па чарзе апрануць у беларускае адзенне)
Пасля гульні дзеці атрымліваюць апошні пазл карты, потым складаюць карту Рэспублікі Беларусь. Паказваюць Міхасіку у якой вобласці жывуць яго дзядуля і бабуля. Называюць яе.
Міхасік . Дзякуй вам за тое, што шмат цікавага расказалі мне пра Беларусь!
В. Калі ласка. А вам дзеці ці спадабалася наша падарожжа?
Якія заданні мы выконвалі?
Якія заданні былі самымі цікавымі?
А якое самым складаным?
Дзеці, вы вялікія малайцы. Я думаю, што пройдзе некалькі гадоў, вы падрасцеце і зробіце нашу краіну яшчэ больш прыгожай і лепшай.
На гэтым наша гульня заканчваецца. А вось гэтыя прызы будуць напамінаць вам аб нашым незвычайным падарожжы. Дзякуй усім удзельнікам.
- У якой краіне мы жывём? ( у Беларусі)
- Як называюцца людзі, якія нарадзіліся у Беларусі?(беларусы)
- Які горад з’яўляецца сталіцай Беларусі?(горад Мінск)
- Колькі абласцей у Беларусі?(шэсць абласцей)
- Як называецца вёска у якой ты жывеш? ( Палужжа)
- Якія ты ведаеш гарады Беларусі?
- Якія ты ведаеш дзяржаўныя сімвалы Беларусі?
- Успомні і раскажы словы першага куплета гімна нашай дзяржавы.
- Як завуць твайго тату і маму? (3-4г)
- Як завуць твайго выхавацеля?
- Як завуць тваю бабулю і дзядулю?
- Якія свойскія жывёлы ты ведаеш?
- За гераізм і мужнасць абаронцаў крэпасць атрымала ганаровае званне “ Крэпасць-герой” Пра якую славутасць нашай краіны ідзе размова?
- У гэтым горадзе штогод праходзіць міжнародны фестываль мастацтва, які аб’ядноўвае ўдзельнікаў з розных краін. пра які горад я кажу?
- Якія дзяржаўныя сімвалы Рэспублікі Беларусь вы ведаеце?
- Якія замкі Беларусі вы ведаеце?
- Назавіце суседзяў нашай краіны?
- Назавіце самыя славутыя мясціны Беларусі
- Назавіце беларускія нацыянальныя стравы
- Якая вобласць рэспублікі Беларусь мяжуе з усімі іншымі абласцямі нашай краіны?