<article>
Бяспечныя канікулы
Для дзяцей летні перыяд нясе ў сабе радасць, магчымасць загараць і купацца, весяліцца з сябрамі і бавіць шмат часу на вуліцы, паехаць у аздараўленчы лагер ці да бабулі ў вёску. Для дарослых жа гэты час хваляванняў і вялікай адказнасці. Бо самае галоўнае — не дапусціць, каб з каханым дзіцем нешта здарылася. Таму Карэліцкі раённы аддзел па надзвычайных сітуацыях прапануе яшчэ раз узгадаць аб небяспеках, якія могуць падцікоўваць дзяцей, і разам паспрабаваць пазбегнуць непрыемнасцяў.
Першая небяспека — гэта агонь. Галоўнае, што трэба растлумачыць дзецям — запалкі і запальніцы служаць для гаспадарчых спраў, але ніяк не для гульні. Нават маленькая іскра можа прывесці да вялікай бяды ў любым месцы, дома і на вуліцы. Замацоўвайце з дзецьмі правілы пажарнай бяспекі, нагадвайце дзіцяці нумары экстраных службаў і як іх выклікаць.
Адвечны супернік агню — вада. Але і яна можа несці небяспеку. Большасць сем’яў аддаюць перавагу праводзіць гарачыя летнія дні на пляжах вадаёмаў — азёры, рэкі, мора. Дарослыя і малыя з задавальненнем купаюцца і загараюць, дыхаюць свежым паветрам. Тут жа галоўная ўмова бяспекі дзіцяці — купацца ў суправаджэнні кагосьці з дарослых. Неабходна растлумачыць дзецям, чаму не трэба купацца ў незнаёмым месцы і адпраўляцца без дарослых на вадаёмы. Дно ракі, азёры можа ўтойваць нямала небяспек: затоплены карч, вострыя аскепкі, халодныя ключы і глыбокія ямы. Таксама дзеці павінны цвёрда засвоіць, што гульні на вадзе небяспечныя, катэгарычна забараняецца ныраць у не прызначаных для гэтага месцах, не варта далёка заплываць на надзіманыя матрацы і колах, падаваць ілжывыя сігналы аб дапамозе.
Як было сказана вышэй, многія дзеці адпраўляюцца з бацькамі да бабуль і дзядуляў на дачы. Аднак для дарослых вёска — гэта не толькі адпачынак, але і догляд за садам і агародам. Калі ў працэсе навядзення парадку на ўчастку вы апрацавалі гародніну хімікатамі, то абавязкова засцерагце тэрыторыю якой-небудзь агароджай і даходліва растлумачце дзіцяці, што заходзіць туды строга забаронена, а тым больш зрываць і спрабаваць на смак усё тое, што зелянее, жоўкне або чырванее на градках. Прыбярыце лекі і хімічныя рэчывы, неабходныя як для саду-агарода, так і для бытавых патрэб у недаступныя для дзіцяці месцы. Паклапаціцеся аб тым, каб на ўчастку не было атрутных раслін. Калі недалёка знаходзіцца лес, пакажыце і раскажыце дзіцяці якія расліны і ягады нельга чапаць і тым больш іх есці.
Але, не гледзячы на ўсе рэкамендацыі і парады, не ператварайце канікулы сваіх дзяцей у адно суцэльнае «нельга»… Дзіцячы інтарэс і дапытлівасць усё роўна перамогуць. Растлумачце дзіцяці, чым можа быць небяспечная тая ці іншая сітуацыя.