Мэта: фарміраванне уяўленняў аб адным з галоўных агульнарэспубліканскіх свят краіны.
Ход забавы: (Пад мелодыю песні дзеці заходзяць у музычную залу, устаюць у круг.)
Вядучы: Добры дзень, паважаныя таты і мамы, дарагія дзеці! Добры дзень усім, хто прыйшоў да нас на свята, каб павіншаваць нашых дарагіх мужчын з надыходзячым святам—Днём абаронцаў Айчыны. Мы жадаем вам моцнага здароўя, шчасця, сямейнага дабрабыту. А зараз — слова нашым выхаванцам. Яны таксама хочуць павіншаваць сваіх дарагіх татаў са святам.
Захар Ч
Мы дзеці сваёй беларускай зямлі,
Мы з думай аб міры і шчасці ўзраслі.
Мы хочам зямлю даглядаць, засяваць,
Мы хочам свае гарады будаваць.
Мы хочам, каб кожны у радасці жыў,
Каб кожны дзяцей гадаваў і вучыў.
Руслана Б
Многа ёсць на свеце святаў,
А найлепшае — для таты!
АбаронцаўДзень Айчыны,
Дата гонару мужчыны!
Панько А
Прызнаёмся вам бясконца:
Мы без вас, як дзень без сонца,
I тады наш дом багаты,
Калі побач з мамай — тата!
Гасціла А
І віншуем мы са святам
Нашых мілых, слаўных татаў!
Шлю ўсім вам віншаванні,
Шчасця, міру пажаданні!
Лічаць супер нас хлапцамі.
Будзьце ж з намі малайцамі!
Што тут многа гаварыць:
Без татаў нам не быць!
Ваня В
Хто на свеце моцны самы?
Без каго не могуць мамы
Вырашаць любыя тэмы
Ды жыццёвыя праблемы?
Абаронцы хто Айчыны?
-Нашы мужныя мужчыны!
Кіра М
Я. ведаю, што тата, мой тожа калісці
Быў вельмі харошым і мужным салдатам
Я тату люблю і яго несумненна
Віншую у святочны дзень гэты ваенны!
Васіліса І
Адзін, два, тры,чатыры, пяць
Буду дзеда віншаваць
І жадаць яму ўсіх благ
Не губляць пабедны сцяг
Да бедаў у плен – не пападаць
Іх адважна перамагаць
Адзін, два, тры,чатыры, пяць
Дай цябе пацалаваць
Песня “ Буду смелым як тата!”
Вядучы. Паважаныя дарослыя! Адкажыце, калі ласка, што бывае больш прыемна за дружны, вясёлы смех нашых дзяцей? Хіба ж толькі тое адчуванне шчасця і радасці, калі мы смяёмся разам з імі. Мы прапануем вам успомніць свае дзяцінства, забыцца пра ўсе свае клопаты і непрыемнасці. Як вы думаеце, чым у вольны час любяць займацца вашы дзеці? Давайце запытаем у іх саміх. (Гуляць.) А з кім вы любіце гуляць? (Адказы дзяцей.) А з мамамі і татамі любіце гуляць? Калі так, дык давайце пагуляем.
Вядучы. А цяпер
Гульня—«Заячы скачок».
Спачатку спаборнічаюць хлопчыкі. Неабходна зрабіць па пяць скачкоў з месца, затым таты—па тры скачкі. Хто далей за ўсіх праскача, той і пераможца.
(Хлопчыкі разам з татамі спаборнічаюць.)
Вядучы. Як дзеці, так і дарослыя любяць адгадваць загадкі.
Прапануем вам загадкі, спачатку для дзяцей:
Адгадайце, дзеці, загадку:
1. Ляціць птушка-небыліца,
А ўнутры народ сядзіць,
Паміж сабою гаворыць (самалёт)
2. Мараком ты можаш стаць,
Каб мяжу ахоўваць
І служыць не на зямлі,
А на ваенным …(караблі)
3.Ён на гусеніцах імчыцца,
Толькі ён не трактар.
У бой пойдзе — і спатрэбіцца
Франтавы характар.(танк)
4 . Я пахожа на лодку на галаве,
Салдату не абысціся без мяне. (пілотка)
Вядучы:А зараз загадкі для Вас таты
1. У печы нараджаецца,
А ў неба ён спяшаецца. (Дым)
2. Работнікаў рупных прашу адгадаць:
Адзін з іх гаворыць,
А слухаюць двое
I двое глядзяць. (Язык, вушы, вочы)
3. Вы мне адкажыце,
Ці бачылі ў жыце,
Ці ў полі ўлетку
Блакітную кветку?
Усміхаецца здалёк
Гэта кветка … (васілёк).
4.Без разгону ўгору ўзлятае,
Страказу нагадвае.
Цяпер адправіцца ў палёт
Вялікі і шумны ….(верталёт)
5. Як патэльня гэта шапка,
Сапраўдная салдацкая,
Абароніць у баю,
Галаву маю.(каска)
6. На галаве ў генерала
Кучаравы барашак,
У ім зімою генералу
І мароз не страшны.(папаха)
Вядучы: Якія малайцы, разгадалі ўсе загадкі.
Танец са стужкамі (малодшыя выхаванцы)
Вядучы: А зараз нашы хлопчыкі ненадоўга ўявіце сябе сапраўднымі байцамі і пагуляем у пытанні і адказы. Гатовыя?
Як служыў? Вось так! (паказваюць уверх вялікі палец)
Як сябраваў? Вось так! (рукі ў замак)
Як у мішэнь страляў? Вось так! (руку згінаем у локці, апускаем з выцягнутым наперад паказальным пальцам)
А ў казарме як спаў? Вось так! (складаныя далоні пад галаву)
Як кашу ты еў? Вось так! (ням-ням-ням, прайграваюць рухі лыжкай)
У страі песню як спяваў? Вось так! (ля-ля-ля)
Як па хаце сумаваў? Вось так! (труць кулачкамі вочы, плачуць)
А як рапарт здаваў? Вось так! (Прыстаўляюць выцягнутыя пальцы правай рукі да галавы)
На пляцы маршыраваў? Вось так! (маршыруюць на месцы)
А смяяўся ты як? Вось так! (ха-ха-ха, рагочуць)
Малайцы!
Рабяты, прапаную вам прыняць удзел у вайсковых вучэннях !
1 заданне называецца «Дастаў боепрыпасы!»
(Дзеці дзеляцца на дзве каманды, і, з двух бакоў падыходзяць да складаў (абручам). Трэба даставіць боепрыпасы (кубікі) да агнявых кропак. Кожны ўдзельнік бярэ кубік, які знаходзіцца ў абручы на лініі старту, і бяжыць з ім да фінішу (кошыку) ,затым вяртаецца назад.)
Вядучы. Дарагія дзеці, мы ведаем, што вы любіце цукеркі. Хутчэй сядайце на свае месцы, таму што ў наступнай гульні вашы тата або мама паспрабуюць вас пачаставаць цукеркамі. Зрабіць ім гэта будзе не проста, бо вочы ў іх будуць завязаны хустачкай. Паважаныя дарослыя, вы павінны з завязанымі вачыма раскруціць і пакласці ў рот свайму дзіцяці цукерку. Каб вам дапамагчы, ваш сын або дачка будуць клікаць вас, седзячы за сталом з месца.
Праводзіцца гульня.” Пачастуй малечу!”
Вядучы:Нас чакае наступнае заданне
А зараз сваіх татаў павіншуюць самыя старэйшыя выхаванцы
Песня “ Салдацікі- салдаты” (са сцяжкамі старэйшыя выхаванцы)
2 заданне «Паласа перашкод» (дзеці дзеляцца на 2 каманды па сігнале ўдзельнікі па чарзе пераадольваюць паласу перашкод і вяртаюцца назад.)
Вядучы:Выпрабаванне на трапнасць пройдзена паспяхова!
Увага! Усім прыгатавацца да Рухомай гульні «Займі месца ў ракеце» (на падлозе раскладваюць абручы; дзеці займаюць ракеты (абручы) экіпажамі па 2 чалавекі; пад музыку бягуць па крузе, па канчатку мелодыі займаюць месца ў ракеце; тая павозка, якому не хапіла «ракеты»), (абруча), выходзіць з гульні; затым прыбіраюць адзін абруч; гульня праводзіцца некалькі разоў.)
3заданне “Бег парамі”
Вядучы:Хлопчыкі, нашы дзяўчынкі падрыхтавалі сюрпрыз і зараз павіншуюць вас
Дарагія хлапчукі! Васіліса І.
Віншуем вас ад душы.
Вы абаронцы, нашай краіны ,
Хоць пакуль і вельмі малыя.
Падрасці вам трэба несумненна,
Каб абараняць сваю краіну напэўна
4заданне “ Хто хутчэй”
Дзень сёння просты Кіра М.
На лістку календара.
Свята да нас прыйшло мужчынскае не зра.
Усіх хлапчукоў віншуем:
Не хварэць і не сумаваць,
Дружна жыць мы вам жадаем,
І нас, дзяўчат, шанаваць. (дзяўчынкі чытаюць вершы і ўручаюць хлопчыкам падарункі).
Песня “ Беларусь зямля азёрная”
Вядучы: Дзякуй, паважаныя дзеці і бацькі за удзел у нашым свяце. Жадаю усім моцнага здароўя, поспехаў у працы, дабрабыту, міру, унутранага цяпла, якое сагравае душу і сэрца. Няхай вашы хаты напоўняцца радасццю, смехам і дадатнымі эмоцыямі, поспехаў вам ва усіх вашых справах. (Дзеці ўручаюць падарункі сваім татам.)